پی آئی اے کا بین الاقوامی آپریشن معطل

پاکستان میں کورونا وائرس کے پھیلنے سے بچاو کے پیش نظر قومی ایئر لائن پی آئی اے نے بین الاقومی فلائٹ آپریشن 28مارچ تک معطل کر دیا ہے۔ 15 انٹرنیشنل روٹس پر مجموعی طورپر 209پروازیں متاثر ہوں گی، اندرون ملک پروازوں کی آمد ورفت معمول کے مطابق جاری رہیں گی۔

پی آئی اے کے ترجمان عبداللہ حفیظ نے بین الاقوامی فلائس آپریشن معطل کرنے کی تصدیق کرتے ہوئے کہا ہے کہ پرہیز علاج سے بہتر ہے۔

کرونا وائرس کا پھیلاو روکنے کے پیش نظر پی آئی اے کا بین الاقوامی آپریشن ایک ہفتہ کے لئے معطل کیا گیا ہے۔

حکومت پاکستان کی ہدایات کے مطابق پی آئی اے نے رات 8 بجے سے تمام بین الاقوامی پروازین منسوخ کر دیں،فلائٹ آپریشن 28مارچ تک معطل رہے گا۔

پی آئی اے کا فضائی آپریشن معطل ہونے سے 15بین الاقوامی روٹس پر پروازیں روانہ نہیں ہو سکیں گی،مجموعی طورپر 209پروازیں متاثر ہوں گی۔

ترجمان پی آئی اے عبداللہ حفیظ کے مطابق پی آئی اے کا اندرون ملک فضائی آپریشن معمول کے مطابق جاری رہے گا،ایئرلائن انتظامیہ مسافروں کو پیش آنےوالی تکلیف پر معذرت خواہ ہے مگر پرہیز علاج سے بہتر ہے۔