ڈاکٹر اسامہ ریاض کی موت کی تصدیق

گلگت بلتستان میں کورونا متاثرین کو طبی امداد دینے والے ڈاکٹر اسامہ ریاض کی موت کی تصدیق کر دی گئی ہے۔

گلگت بلتستان کے وزیراعلی کے ترجمان رشید ارشد نے کہا ہے کہ دو دن وینٹی لیٹر پر رہنے کے بعد انتقال کر گئے ہیں۔

انہوں نے بتایا کہ گلگت بلتستان حکومت نے ڈاکٹر اسامہ شہید کو قومی ہیرو کا درجہ دے دیا ہے۔

ترجمان کے مطابق اس وقت دو ہزار کے قریب ایران سے آئے زائرین قرنطینہ میں ہیں جبکہ اتوار کی شام تک کورونا مریضوں کی تعداد 71ہوچکی ہے۔

رشید ارشد نے بتایا کہ گلگت بلتستان میں روزانہ صرف 20 ٹیسٹ کرانے کی سہولت موجود ہے۔