ووہان میں 60 ہزار شہریوں کی واپسی
چین کے شہر ووہان کے لیے ٹرینوں کی آمدو رفت دوبارہ شروع کر دی گئی ہے جس کے بعد 60 ہزار افراد نے کورونا وائرس سے متاثرہ شہر میں واپسی کی ہے۔
پیپلز ڈیلی چائنہ کے مطابق 260 سے زائد ٹرینیں ووہان شہر کے سٹیشن پر پہنچیں یا وہاں سے گزری ہیں۔
واضح رہے کہ کورونا وائرس ووہان شہر سے پھوٹا تھا اور چین میں اس وبا سے سب سے زیادہ ہلاکتیں ہوبائی صوبے اور اس کے مرکزی شہر ووہان میں ہوئیں۔
چین نے دو ماہ بعد وائرس کے پھیلاؤ پر قابو پا لیا ہے تاہم دنیا کے 200 ملکوں میں کورونا پھیل رہا ہے اور ہلاکتوں کا سلسلہ بھی جاری ہے۔
