امداد کے لیے آئی خاتون بھگدڑ میں ہلاک
پاکستان کے صوبے پنجاب کے شہر ملتان میں وزیراعظم کے امدادی پروگرام سے اپنا حصہ وصول کرنے کے لیے آنے والی خاتون ہلاک ہو گئیں۔
ریسکیو ذرائع کے مطابق قاسم پور کالونی ایم اے جناح اسکول میں امدادی رقم تقسیم ہونے کے دوران بھگدڑ مچنے کی وجہ سے ایک عورت موقع پر ہلاک جبکہ متعدد زخمی ہو گئیں۔
ریسکیو اہلکاروں کے مطابق ٹیمیں جائے حادثہ پر پہنچیں اور مرنے والی عورت کو نشتر ہسپتال ملتان منتقل کردیا گیا جبکہ 20 زخمیوں کو موقع پر ابتدائی طبی امداد دی گئی۔
