انڈیا اور فرانس میں لاک ڈاؤن میں توسیع

انڈیا اور فرانس نے اپنے اپنے ملکوں میں وائرس کے پھیلاؤ کو روکنے کے لیے لاک ڈاؤن میں توسیع کر دی ہے۔

انڈین وزیراعظم نریندر مودی نے ملک میں جاری لاک ڈاؤن کو تین مئی تک بڑھا دیا ہے جو آج ختم ہو رہا تھا۔

واضح رہے کہ ایک ارب 30 کروڑ آبادی کے ملک میں کروڑوں افراد انتہائی بھوک اور افلاس کا شکار ہیں اور لاک ڈاؤن کی وجہ سے فاقوں سے مرنے کے خطرے کے زد پر ہیں۔

ادھر فرانس کے صدر ایمانوئیل میخواں نے اپنی قوم سے اچھے دنوں کے آنے کا وعدہ کرتے ہوئے کہا ہے کہ وہ لاک ڈاؤن کو 11 مئی تک بڑھا رہے ہیں تاکہ عالمی وبا کا مقابلہ کیا جا سکے۔

خیال رہے کہ دنیا میں ایک لاکھ 15 ہزار سے زائد افراد وائرس سے ہلاک ہو چکے ہیں جبکہ متاثرہ افراد کی تعداد 19 لاکھ کے لگ بھگ ہے۔