میانداد کے چھکے کو 34 سال گزر گئے
Reading Time: < 1 minuteانٹرنیشنل کرکٹ کونسل (آئی سی سی) کے آفیشل ٹوئٹر اکاؤنٹ نے ٹویٹ شیئر کر کے 1986 میں پاکستان اور انڈیا کے درمیان کھیلے جانے والے تاریخی میچ میں جاوید میانداد کے چھکے کی یادیں تازہ کی ہیں۔
آئی سی سی نے ٹویٹ لکھا کہ 1986 میں آج کے دن 18 اپریل کو پاکستان اور انڈیا کے درمیان شارجہ کے کرکٹ گراؤنڈ میں جاوید میانداد نے چیتن شرما کو آخری گیند پر چھکا مار کر ایک وکٹ سے فتح سمیٹی تھی۔
آسٹرل ایشیا کپ کے تحت ہونے والے ان میچز میں فائنل پاکستان اور انڈیا کے درمیان کھیلا گیا جس کو دیکھنے کے لیے تقریباً 20 ہزار شائقین سٹیدیم میں موجود تھے۔
آئی سی سی کے اس ٹویٹ پر ہزاروں پاکستانی اور انڈین کرکٹ شائقین نے تبصرے کیے ہیں اور تقریباً تمام مداحوں نے میانداد کو خراج تحسین پیش کیا ہے۔
ایک انڈین ٹوئٹر ہینڈل نے لکھا ہے اس چھکے کو میڈیا ہر سال چیتین شرما کو یاد دلاتا ہے مگر اسی بولر نے 1987 کے ورلڈ کپ میں ہیٹ ٹرک کرتے ہوئے تینوں بلے بازوں کو کلین بولڈ کیا تھا۔
