علی بابا کے ڈبلیو ایچ او کو 10 کروڑ ماسک

دنیا میں آن لائن کاروبار کی بڑی کمپنی علی بابا کے شریک بانی جیک ما نے کورونا وائرس سے نمٹنے کے لیے اپنی فاؤنڈیشن کی جانب سے عالمی ادارہ صحت کو 10 کروڑ ماسک دینے کا اعلان کیا ہے۔

چین کی امیر ترین کاروباری شخصیت اور ملٹی نیشنل ٹیکنالوجی کمپنی کے مالک نے اپنی ٹویٹ میں کہا کہ ‘150 سے زائد ممالک اور علاقوں کو عطیات کی فراہمی کے بعد ہم عالمی ادارہ صحت کو 10 کروڑ ماسک فراہم کریں گے۔’

Following donations to 150+ countries & regions, we will provide 100M masks, 1M N95 masks, and 1M test kits to @WHO. The supplies will be distributed to those in most need. Together, we must move faster and with confidence to overcome this global challenge. #OneWorldOneFight

— Jack Ma (@JackMa) April 21, 2020

جیک ما کا کہنا تھا کہ ان کی کمپنی ‘عالمی ادارہ صحت کو 10 لاکھ این 95 ماسک اور 10 لاکھ ٹیسٹنگ کٹس فراہم کی جائیں گی۔’

انہوں نے کہا کہ ‘ہمیں تیزی سے اور اعتماد کے ساتھ آگے بڑھنا ہوگا تاکہ اس عالمی وبا پر قابو پا سکیں۔’

واضح رہے کہ جیک کی کمپنی افغانستان سمیت دنیا کے سات غریب ملکوں کو لاکھوں ڈالر کی امداد پہنچا چکی ہے جن میں ماسک اور طبی آلات شامل ہیں۔