اسلام آباد میں دو ہزار کیمرے، جرائم میں 29 فیصد کمی

Reading Time: < 1 minute

پاکستان کے پارلیمان کے ایوان زیریں یعنی قومی اسمبلی میں اسلام آباد سیف سٹی منصوبے کی تفصیلات پیش کی گئی ہیں۔
اپوزیشن ارکان کے سوال کہ اسلام آباد میں کتنے کیمرے لگے ہیں کتنے کام کررہے ہیں، جواب میں تفصیلات قومی اسمبلی میں پیش کی گئی ہیں۔

وزارت داخلہ کے لیے پارلیمانی سیکرٹری شوکت علی کے مطابق جب ہماری حکومت آئی تو اسلام آباد میں 2000ہزارکیمرے تھے، حکومت نے چیک کیا تو صرف 300کام کررہے تھے۔

سیکرٹری نے بتایا کہناسلام آباد میں 1700کیمرے خراب تھے، حکومت نے 1950کیمرے ٹھیک کر دیے ہیں۔

پارلیمانی سیکرٹری داخلہ نے بتایا کہ اسلام آباد میں جرائم میں 29فیصد کمی آئی ہے۔ عالمی ادارے کی رپورٹ کے مطابق اسلام آباد کی سیکیورٹی میں 70درجے بہتری ہوئی ہے۔
جگہ جگہ ناکے ہوتے تھے اب کم کردیئے گئے ہیں۔ تمام صوبوں میں بھی جرائم میں کمی آرہی ہے۔

پارلیمانی سیکرٹری داخلہ کے مطابق چار پولیس اہلکاروں کی وردیوں پر تجرباتی طورپر کیمرے لگائے گئے۔ جلد ناکوں اور ٹریفک پولیس کے تمام پولیس اہلکاروں کی وردیوں میں کیمرے لگاکر انہیں سیف سٹی کیمروں سے منسلک کردیا جائے گا۔