علی سدپارہ سمیت تین کوہ پیما کے ٹو سر کرتے ہوئے لاپتہ

پاکستان کے مشہور کوہ پیما علی سدپارہ دنیا کی دوسری بلند ترین چوٹی کے ٹو کو سر کرنے کے لیے جانے والی ٹیم سمیت لاپتہ ہو گئے ہیں۔

سنیچر کو الپائن کلب کی جانب سے بتایا گیا ہے کہ تین کوہ پیماؤں کا بیس کیمپ کے ساتھ رابطہ جمعے سے منقطع ہے۔

الپائن کلب کے مطابق ’ریسکیو آپریشن شروع کر دیا گیا ہے جس کے لیے ہیلی کاپٹر بھی استعمال کیے جا رہے ہیں۔‘

کلب نے عوام سے کوہ پیماؤں کی خیریت کے لیے دعاؤں کی اپیل بھی کی ہے۔