چار سینیٹرز کے ووٹ کس کے کہنے پر مسترد ہوئے؟
Reading Time: < 1 minuteپاکستان کی پارلیمنٹ کے ایوان بالا یعنی سینیٹ کے چیئرمین کے الیکشن میں 99 ووٹوں میں سے سات مسترد ہوئے۔
سوشل میڈیا پر گردش کرنے والی ایک ویڈیو میں سینیٹ کے سیکریٹری قاسم صمد چند سینیٹرز کو ووٹ پول کرنے اور بیلٹ پیپر پر مہر لگانے کی جگہ بتا رہے ہیں۔
اس ویڈیو میں چار سینیٹرز نظر آ رہے ہیں جو ووٹ کا طریقہ سمجھ رہے ہیں جبکہ ان کے پیچھے یا اطراف میں کتنے سینیٹرز کھڑے ہیں یہ دکھائی نہیں دے رہا۔
سیکریٹری سینیٹ قاسم صمد کی سینیٹرز کو ووٹ کا طریقہ سمجھاتے ہوئے کی ایک تہلکہ خیز ویڈیو — قاسم صمد بارہا دریافت کرنے پر واضح الفاظ میں کہہ رہے ہیں کہ خانے میں کہیں بھی مہر لگائی جاسکتی ہے-
ویڈیو کریڈٹ: وقار ستی، جیو ٹی وی، اسلام آباد
#SenateChairman pic.twitter.com/x8USTX8oUm— Tanzil Gillani (@TanzilGillani) March 12, 2021
ویڈیو میں پیپلز پارٹی کے سعید غنی، شیری رحمان اور فاروق نائیک ایک طرف جبکہ دوسری جانب جمعیت علمائے اسلام کے مولانا عطاالرحمن دکھائی دے رہے ہیں۔
دوسری جانب سینیٹ سیکریٹریٹ نے چیئرمین کے انتخاب سے ایک دن قبل کسی اشتہار کے بغیر چکوال سے تعلق رکھنے والے ایک ریٹائرڈ میجر کو سکیورٹی انچارج تعینات کیا۔
سینیٹ کے چیئرمین کے الیکشن میں پولنگ والے دن بوتھ کے اوپر خفیہ کیمرے نصب کرانے کے معاملے کی تحقیقات ہوں گی تاہم نومنتخب چیئرمین صادق سنجرانی نے صحافی مطیع اللہ جان کے ریٹائرڈ فوجی کو نوکری دینے اور سینیٹ کے سیکریٹری کے اختیارات سے متعلق سوال کا جواب نہیں دیا۔
ویڈیو رپورٹ دیکھیے:
