برطانوی وزیراعظم بورس جانسن کی خفیہ تقریب میں شادی

Reading Time: < 1 minute

برطانیہ کے وزیراعظم بورس جانسن نے اپنی منگیتر کیری سیمنڈز سے ایک خفیہ تقریب میں شادی کر لی ہے۔
نیوز ایجنسی روئٹرز کے مطابق وزیراعظم کے دفتر ڈاؤننگ سٹریٹ کی ترجمان نے شادی کی میڈیا رپورٹس پر موقف دینے سے انکار کیا ہے۔
برطانوی اخبارات دی سن اور میل آن سنڈے کے مطابق مہمانوں کو تقریب میں آخری وقت پر مدعو کیا گیا، اور وزیراعظم کے دفتر کے سینیئر ممبران بھی شادی کے منصوبے سے لاعلم تھے۔
بورس جانسن کی ازدواجی زندگی ہمیشہ سے ہی تنازعات کا شکار رہی ہے۔ انہیں ایک بار کنزرویٹیو پارٹی کی پالیسی ساز ٹیم سے اس وقت بے دخل کر دیا گیا تھا جب انہوں نے اپنے شادی کے بغیر تعلقات کے بارے میں جھوٹ بولا.

بورس جانسن کی دو بار طلاق ہو چکی ہے جب کہ انہوں نے اپنے بچوں کی تعداد کے بارے میں نہیں بتایا۔

برطانیہ میں کورونا وبا کے باعث شادی کی تقریب میں زیادہ سے زیادہ سے 30 افراد شریک ہو سکتے ہیں۔
سیمنڈز لیموزین کار میں سفید رنگ کا لمبا لباس زیب تن کر رکھا تھا تاہم ان کا چہرہ گھونگھٹ سے ڈھکا ہوا نہیں تھا۔
56 سالہ بورس جانسن اور ان کی 33 سالہ منگیتر کیری سمنڈز ڈاؤننگ سٹریٹ میں 2019 سے مقیم ہیں جب بورس جانسن وزیراعظم بنے تھے۔
گذشتہ سال دونوں نے اپنی منگنی کا اعلان کرتے ہوئے بتایا تھا کہ ان کے ہاں اولاد ہونے والی ہے۔ اپریل 2020 میں ان کے ہاں میں لڑکے کی پیدائش ہوئی تھی۔