داسو ڈیم: ورکرز کی گاڑی میں دھماکہ، چینی باشندوں سمیت 13 ہلاک

Reading Time: < 1 minute

نعمان شاہ ۔ صحافی
اپرکوہستان کے برسین لیبر کیمپ سے داسو جانے والی گاڑی میں دھماکے سے 9 چینی ورکرز سمیت 13 افراد ہلاک جبکہ متعدد زخمی ہوئے ہیں تاہم چین اور پاکستان کے موقف میں واضح تضاد ہے.

مقامی ذرائع کے مطابق مرنے والوں میں 9 چینی شہری اور دو ایف سی اہلکار بھی شامل ہیں۔ گاڑی میں داسو ڈیم پر کام کرنے والے عملےکے افراد تھے۔

زخمیوں اور لاشوں کو آر ایچ سی داسو منتقل کیا گیا ہے۔ زخمیوں میں چینی باشندے بھی شامل ہیں جن کو بہتر طبی سہولیات فراہم کرنے کے لیے صوبائی حکومت سے ائیر ایمبولینس کا مطالبہ کیا گیا ہے۔

پولیس کے مطابق دھماکے کی تفتیش کے جارہی ہے۔
عینی شاہدین کا کہنا ہے کہ دھماکہ اتنا شدید تھا کہ گاڑی روڈ سے اچھل کر دریاکنارے کھائی میں جاگری ہے۔

دوسری جانب واپڈا نے ایک بیان میں کہا ہے کہ گاڑیوں کو حادثہ پیش آیا جس سے ہلاکتیں ہوئیں.