طالبان کابل کے دروازوں پر، اشرف غنی افغانستان سے فرار

طالبان جنگجو افغانستان کے دارالحکومت داخل ہوگئے ہیں اور اشرف غنی حکومت سے غیر مشروط طور پر ہتھیار ڈالنے کا مطالبہ کیا ہے۔

خبر رساں ادارے ایسوسی ایٹڈ پریس نے افغان حکام کے حوالے سے بتایا کہ سرکاری افواج نے بگرام ایئربیس طالبان کے حوالے کر دیا ہے جہاں پانچ ہزار سے زائد قیدی موجود ہیں۔

دوسری جانب افغانستان کی کابل میں محصور حکومت کو امید ہے کہ انتقال اقتدار کے لیے ایک عارضی حکومت قائم کی جائے گی ۔

کابل ایئر پورٹ پر امریکی ہیلی کاپٹرز نے رن وے بلاک کر کے پی آئی اے سمیت کئی غیر ملکی ایئرلائنز کو گھنٹوں روکے رکھا تاکہ اپنے عملے کو نکالنے کے لیے سی ون تھرٹی طیاروں کو لینڈ کرا سکیں.

صدر اشرف غنی کے کابل سے تاجکستان پہنچنے کی خبریں گردش میں ہیں.