سعد رضوی ہیلی کاپٹر پر اسلام آباد لائے گئے، مذاکرات جاری

Reading Time: < 1 minute

کالعدم تحریک لبیک کے مرکزی ترجمان صدام بخاری نے دعویٰ کیا ہے کہ ان کی تنظیم کے سربراہ سعد رضوی کو مذاکرات کے لیے اسلام آباد لے جایا گیا ہے .

دوسری جانب وزارت داخلہ کے ذرائع نے تصدیق کرتے ہوئے بتایا کہ شیخ رشید اسلام آباد میں کالعدم جماعت کی لیڈرشپ سے بات چیت کر رہے ہیں۔

ادھر کالعدم تحریک لبیک پاکستان (ٹی ایل پی) کے کارکنان کا جی ٹی روڈ پر اسلام آباد کی جانب مارچ جاری ہے ان کا قافلہ گوجرانوالہ پہنچا ہے.

لاہور میں پنجاب کے وزیراعلیٰ عثمان بزدار نے امن وامان کی صورتحال کا جائزہ لینے کے لیے اجلاس کی صدارت ہے۔

ٹی ایل پی کے ترجمان کے مطابق جمعرات کی صبح ساڑھے دس بجے دن کامونکی سے مارچ کا آغاز کیا گیا۔

کامونکی میں مارچ کے شرکا کو انتظامیہ کی طرف سے کسی قسم کی رکاوٹ کا سامنا نہیں کرنا پڑا۔

پولیس اہلکاروں کو جلوس کے راستوں پر تعینات کیا گیا اور کامونکی سے گوجرانوالہ کے درمیان کئی جگہوں پر کنٹینر لگا کر سڑک بھی بند کی گئی تھی۔