مری میں سیاحوں کے داخلے پر پابندی کی مدت میں توسیع

پاکستان میں پنجاب حکومت کی جانب سے سیاحوں کے ہل سٹیشن مری میں داخلے پر پابندی کی مدت میں توسیع کر دی گئی ہے۔

نیشنل ہائی ویز اینڈ موٹرویز اتھارٹی بتایا ہے کہ مری میں داخلے پر پابندی کی مدت میں توسیع کے فیصلے کے مطابق 17 جنوری تک سیاح شہر میں داخل نہیں ہو سکیں گے۔

محکمہ موسمیات کی پیشن گوئی اور ضلعی انتظامیہ کی تجاویز کی روشنی مری میں داخلے پر پابندی کی مدت بڑھائی گئی ہے۔

خیال رہے کہ جمعے کی شام مری میں شدید برف باری کے بعد سے سیاحوں کے داخلے پر پابندی عائد کردی گئی تھی تاہم مقامی افراد اور امدادی سامان لے جانے والی گاڑیوں کو جانے کی اجازت ہے۔