زیارت واقعے کی تحقیقات کے لیےجوڈیشل کمیشن کی تشکیل کا مطالبہ
پاکستان کے صوبے بلوچستان کے علاقہ زیارت میں جعلی مقابلے میں لاپتہ افراد کے قتل کے خلاف اور لاپتہ افراد کی بازیابی کیلئے دھرنا تیسرے روز بھی جاری ہے۔
گورنر اور وزیراعلی ہاؤس کے سامنے دھرنے میں لاپتہ افراد کے ورثاء،بچے،خواتین اور معمر افراد بھی موجود ہیں۔
بلوچ لاپتہ افراد کی آواز(وی بی ایم پی) کے چیئرمین نصراللہ بلوچ نے بذریعہ ٹویٹ مطالبہ کیا ہے کہ زیارت واقعے کے حوالے سے جوڈیشل کمیشن تشکیل دیا جائے اور لاپتہ افراد کی بازیابی میں حکومت اپنا کردار ادا کرے۔
واضح رہے کہ لاپتہ افراد اورزیرحراست اموات کے واقعات ملک بھر میں رونما ہوتے رہے ہیں لیکن آج تک کسی کو سزا نہ ملی،یہی باعث ہے کہ آج بھی یہ سلسلہ جاری ہے۔
