امریکہ سے ہر قسم کی فوجی محاذ آرائی کے لیے تیار ہیں:شمالی کوریا

Reading Time: < 1 minute

شمالی کوریا کے لیڈر کم جونگ آن نے کہا ہے کہ ان کا ملک کسی بھی غیر ملکی فوجی مداخلت کے خلاف پوری طرح سے تیار ہے ۔

اطلاعات کے مطابق، کوریائی جنگ کے خاتمے کی 69 ویں سالگرہ کے موقع پر منعقدہ تقریب سے خطاب میں کم جونگ نے کہا کہ ہم امریکہ کے ساتھ ہر قسم کی فوجی محاذ آرائی کے لیے پوری طرح سے تیار ہیں۔

کم جونگ اُن کا یہ بیان اس خدشے کو ظاہر کر رہا ہے کہ شمالی کوریا عنقریب 7 واں جوہری تجربہ کر سکتا ہے جس کا امکان گزشتہ ماہ امریکہ نے بھی ظاہر کیا تھا۔

یاد رہے کہ شمالی کوریا نے اپنا آخری جوہری تجربہ سن 2017 میں کیا تھا مگر اس نے میزائل تجربات کا سلسلہ بدستور جاری رکھاہوا ہے۔