پاکستان

لاہور کے ایلیٹ سکول میں طالبہ پر تشدد، پانچ طالبات کے خلاف کارروائی

جنوری 24, 2023 < 1 min

لاہور کے ایلیٹ سکول میں طالبہ پر تشدد، پانچ طالبات کے خلاف کارروائی

Reading Time: < 1 minute

لاہور کے ایلیٹ کلاس سکول میں طالبہ پر تشدد میں ملوث پانچ طالبات کو سکول انتظامیہ کی جانب سے معاملے کی تفتیش کے لیے قائم کمیٹی نے خارج کرنے کی سفارش کی ہے۔

سکول کے ڈائریکٹرز میں ایک ریٹائرڈ لیفٹیننٹ جنرل اور اُن کی اہلیہ شامل ہیں۔

خیال رہے کہ لاہور کے نجی سکول میں تین نوعمر طالبات کی جانب سے اپنی ایک ساتھی طالبہ پر تشدد کے واقعے کی ویڈیو سوشل میڈیا پر وائرل ہونے کے بعد اس پر تاحال بحث جاری ہے۔

سنیچر کو لاہور کی ایک مقامی عدالت نے صوبائی دارالحکومت کے ایک نجی سکول میں ایک طالبہ پر مبینہ تشدد کرنے والی تین نوعمر طالبات کی ضمانت قبل از گرفتاری منظور کی تھی۔

جج نے معاملے کی رپورٹ طلب کرتے ہوئے پولیس کو اس واقعے میں ملوث تینوں طالبات کو 30 جنوری تک گرفتار نہ کرنے کے احکامات جاری کیے تھے۔

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے