کوئٹہ میں افغانستان سے سمگل ہیروئین برآمد، مالیت چار ارب روپے
Reading Time: < 1 minuteبلوچستان کے دراالحکومت کوئٹہ میں پولیس نے افغانستان سے سمگل کی گئی ہیروئین کی بھاری مقدار تحویل میں لی ہے۔
پیر کو کوئٹہ پولیس کے حکام نے بتایا کہ کارروائی پنجپائی تھانے کی حدود میں کی گئی جہاں سمگلروں نے ایک غار میں ہیروئین چھپائی تھی۔
پولیس کے مطابق ہیروئین 25 کلو گرام کی دس بوریوں میں ہے جس کا کُل وزن 250 کلو ہے۔
عالمی منڈی میں منشیات کی اس اعلیٰ کوالٹی کی فی کلو قیمت ایک کروڑ روپے سے زائد ہے۔
پولیس حکام کے مطابق ہیروئین کی مالیت چار ارب روپے ہے جس کو افغانستان سے لایا گیا تھا اور سمگلر اندرون ملک لے جانے کے لیے مناسب وقت کے انتظار میں تھے۔
Array