تحریک انصاف کے سیکریٹری اطلاعات رؤف حسن گرفتار
اسلام آباد پولیس کے اہلکاروں نے تحریک انصاف کے چیئرمین بیرسٹر گوہر اور سیکریٹری اطلاعات رؤف حسن کو گرفتار کیا تاہم بعد ازاں بیرسٹر گوہر رہا کر دیے گئے.
پیر کو سامنے آنے والی ویڈیو فوٹیجز میں دیکھا گیا کہ اسلام آباد کے سیکٹر جی ایٹ سے دونوں کو پارٹی کے مرکزی سیکریٹریٹ سے پولیس اہلکار حراست میں لے رہے ہیں۔
ویڈیو فوٹیج کے مطابق اسلام آباد پولیس کے سینئر افسران اے ٹی ایس سکواڈ اور لیڈی پولیس اہلکاروں کے ہمراہ پی ٹی آئی مرکزی سیکرٹریٹ پہنچے۔
پی ٹی آئی سیکرٹریٹ سے کمپیوٹرز سمیت اہم ڈیٹا بھی پولیس ہمراہ لے گئی.
