ٹوئٹر کے شریک بانی کا اکاؤنٹ ہیک

Reading Time: < 1 minute

سماجی رابطوں کی عالمی اور قابل اعتبار ویب سائٹ ٹوئٹر کے شریک بانی جیک ڈورسی کا اکاؤنٹ ہیک کیے جانے کے بعد اس پر نازی جرمنی کے حق میں اوریہودیوں کے خلاف ٹویٹ کیے گئے بعد ازاں اکاؤنٹ کا کنٹرول واپس حاصل کر لیا گیا۔

اس پر صارفین نے طنز و مزاح سے بھرپور تبصرے کرتے ہوئے لکھا کہ ’جیک ڈورسی مت بنیں، اپنے اکاؤنٹ کو محفوظ بنائیں۔‘

بعض صارفین نے ان طریقہ کار کی تفصیلات بھی شیئر کیں جو ٹوئٹر اپنے صارفین کو اکاؤنٹ محفوظ بنانے کے لیے تجویز کرتا ہے۔

ہیکرز کے ایک گروپ نے خود کو چکلنگ سکواڈ بتاتے ہوئے کہا تھا کہ جیک ڈورسی کے اکاؤنٹ ہیک کرنے کے پیچھے ان کا ہاتھ ہے۔

خیال رہے کہ جیک ڈورسی کے اکاؤنٹ کے 40 لاکھ سے زیادہ فالوورز ہیں۔ ان کے اکاؤنٹ سے 15 منٹ تک یہودیوں کے خلاف نفرت انگیز اور اشتعال دلانے والے تبصرے کیے گئے۔