ترکی کے حملے میں 19 شامی فوجی ہلاک

ترک فوج کے ایک ڈرون حملے میں شام کے 19 فوجی ہلاک ہو گئے ہیں جس کے بعد شمال مشرقی صوبے ادلب میں دونوں افواج کے درمیان جنگ میں تیزی آئی ہے۔

بین الاقوامی ذرائع ابلاغ کے مطابق ترکی کے ڈرون نے شام کی فوج کے ایک قافلے پر اس وقت میزائل داغے جبل الزاویہ کے علاقے میں بیس کی جانب جا رہا تھا۔

اس سے قبل ترکی نے شام کے دو جنگی طیارے مار گرائے تھے۔

ترکی نے علاقے میں گزشتہ ہفتے اپنے 34 فوجیوں کی موت کے بعد شام کی افواج پر حملے تیز کر دیے ہیں۔ شامی فوج اور حکومت کو روس کی مدد حاصل ہے۔

واضح رہے کہ روس اور ترکی آپس میں اتحادی اور جنگی ہتھیاروں کی خرید و فروخت بھی کرتے ہیں۔