پاکستان میں ہلاکتیں 40 تک پہنچ گئیں

پاکستان میں کورونا وائرس سے ہلاکتوں کی تعداد 40 ہو گئی ہے جبکہ گزشتہ 24 گھنٹوں میں 161 نئے کیسز کی تصدیق کے بعد متاثرین دو ہزار 708 ہو گئے ہیں۔

پنجاب وائرس سے متاثر ہونے میں پہلے نمبر ہے جہاں ایک ہزار سے زائد افراد میں وائرس کے ٹیسٹ مثبت آئے ہیں۔

سرکاری اعداد و شمار کے مطابق گزشتہ 24 گھنٹوں میں تین مریض وائرس سے ہلاک ہوئے۔

سندھ میں مریضوں کی تعداد 839 جبکہ خیبر پختونخوا میں 343 متاثرین ہیں۔ ملک میں 130 افراد وائرس کا شکار ہونے کے بعد صحت یاب بھی ہوئے ہیں۔