سابق وفاقی وزیر بابر غوری سات روزہ جسمانی ریمانڈ پر پولیس کے حوالے

پاکستان کے شہر کراچی کی انسداد دہشت گردی عدالت نے سابق وفاقی وزیر بابر غوری کو سات روزہ جسمانی ریمانڈ پر پولیس کے حوالے کر دیا۔

منگل کو پولیس نے انسداد دہشت گردی کی عدالت میں پیش کیا۔ پولیس نے سات روزہ جسمانی ریمانڈ کی استدعا کی۔ عدالت نے استدعا منظور کرتے ہوئے مذکورہ حکم جاری کر دیا۔

سابق وفاقی وزیر بابر غوری پر اشتعال انگیز تقریر میں سہولت کاری کا الزام ہے۔

قبل ازیں بابر غوری خود ساختہ جلاوطنی کے بعد ایک روز پہلے وطن واپس پہنچے تھے۔پولیس نے انہیں کراچی ایئرپورٹ سے گرفتار کر لیا تھا۔