شنگھائی تعاون تنظیم سربراہی اجلاس،پیوٹن اورشی جن پنگ کی ملاقات متوقع

Reading Time: < 1 minute

شنگھائی تعاون تنظیم کا سربراہی اجلاس ازبکستان کے شہر سمر قند میں 15 ستمبر سے شروع ہو گا، جس میں پاکستان، بھارت، چین، روس سمیت دیگر رکن ممالک کے سر براہ شریک ہوں گے۔

روس کا کہنا ہے کہ اجلاس کے موقع پر صدر پیوٹن اور چین کے صدر شی جن پنگ کی ملاقات متوقع ہے تاہم ابھی تک چین کی جانب سے صدر کے سفری منصوبے کی تفصیلات سامنے نہیں لائی گئی ہیں۔

اطلاعات کے مطابق وزیراعظم شہباز شریف اور بھارتی وزیراعظم مودی بھی اجلاس میں شرکت کریں گے۔