الیکشن نتائج: پی ٹی آئی کے آزاد سب سے آگے، ن لیگ دوسرے نمبر پر

Reading Time: 2 minutes

الیکشن کمیشن سےسست روی کا شکار نتائج آنا جاری ہیں۔

قومی اسمبلی کے 96 حلقوں کے نتائج کا اعلان الیکشن کمیشن کر چکا ہے۔

اب تک کے اعلان کردہ نتائج کے مطابق پی ٹی آئی 47، ن لیگ 29 اور پاکستان پیپلز پارٹی 20 نشستوں پر کامیابی حاصل کی ہے۔

پی ٹی آئی کی حمایت یافتہ شاندانہ گلزار پشاور کے حلقہ این اے 30 سے 78971 ووٹ لے کر پہلے، جبکہ عوامی نیشنل پارٹی کے زین عمر ارباب 11854 ووٹ کے کر دوسرے نمبر پر رہے۔

مسلم لیگ ن کے صدر شہباز شریف نے لاہور کے حلقہ 123 سے 63 ہزار 953 ووٹ لے کر کامیاب قرار پائے اور آزاد امیدوار افضال عظیم نے 48 ہزار 486 ووٹ حاصل کیے۔

این اے 58 چکوال سے مسلم لیگ ن کے طاہر اقبال ایک لاکھ 15 ہزار 974 ووٹ لے کر کامیاب ہوئے، جبکہ آزاد امیدوار ایاز امیر ایک لاکھ دو ہزار 537 ووٹ کے دوسرے نمبر پر رہے۔

این اے 55 راولپنڈی سے ن لیگ کے ابرار احمد 78 ہزار 542 لے کر جیتے اور آزاد امیدوار راجہ بشارت نے 67 ہزار 101 لے کر دوسری پوزیشن حاصل کی۔

این اے 59 چکوال سے مسلم لیگ ن کے سردارغلام عباس 141680 ووٹ لے کر کامیاب قرار پائے، اور آزاد امیدوار رومان احمد 129716 ووٹ لے کر دوسرے نمبر پر رہے۔

لاہور حلقہ NA 118 سے حمزہ شہباز 5000 ووٹوں کی لیڈ سے جیت گئے۔ ‏حمزہ کو 105000 اور عالیہ حمزہ ملک کو 100803 ووٹ پڑے.

این اے 17 ایبٹ آباد سے پی ٹی آئی کے حمایت یافتہ علی خان جدون 97,177 ووٹ کے کر فاتح قرار پائے اور مسلم لیگ ن کے محبت خان نے 44,522 ووٹ لیے۔

این اے 121 سے تحریک انصاف کے حمایت یافتہ آزاد امیدوار وسیم قادر 78 ہزار آٹھ سو تین ووٹ لے کر کامیاب ہوئے اور مسلم لیگ ن کے روحیل اصغر 70 ہزار 5 سو 97 ووٹ لے کر ہار گئے۔

این اے 3 سوات تحریک انصاف کے حمایت یافتہ سلیم رحمان 81 ہزار 411 ووٹ کے کر کامیاب ہوئے اور مسلم لیگ ن کے واجد علی خان 27 ہزار 161 ووٹ لے کر دوسرے نمبر پر رہے۔