لاپتہ افراد کا پتہ نہیں چلتا
سندھ ہائی کورٹ نے لاپتہ افراد کی بازیابی نہ ہونے پر برہمی کا اظہار کیا ہے، دوران سماعت لاپتہ افراد کی بازیابی کے لیے مقرر تفتیشی افسر نے عدالت کو بتایا کہ لاپتہ افراد سے متعلق سیکورٹی اداروں کو خطوط لکھے گئے لیکن کوئی جواب نہیں ملا، تفتیشی افسر نے عدالت کو بتایا کہ موبائل فونز کمپنیوں نے بھی لاپتہ افراد سے متعلق تعاون نہیں کیا اور ان کے فون کالز کا ریکارڈ حاصل کرنے میں کامیابی نہیں ہوئی، عدالت نے قرار دیا کہ تفتیشی افسر کاغذی کارروائی کی بجائے عملی اقدامات کرکے دکھائے، مقدمہ کی سماعت تین ہفتوں تک ملتوی کرتے ہوئے عدالت نے پیش رفت رپورٹ طلب کر لی _
