افغانستان، خودکش حملے میں 40 جاں بحق
افغانستان میں خودکش حملہ آور نے پھٹ کر چالیس افراد کی جان لے لی جن میں تین صحافی بھی شامل ہیں_ حکام کے مطابق حملہ آور نے شیعہ مسلک سے تعلق رکھنے والی ایک ثقافتی تنظیم کے دفتر کے قریب دھماکا کیا جس میں 30 افراد زخمی بھی ہوئے ہیں۔
افغان وزارت داخلہ کے نائب ترجمان نصرت رحیمی نے برطانوی نشریاتی ادارے کو بتایا کہ خودکش حملہ آور کی جانب سے کیے جانے والے ایک دھماکے کے بعد اسی علاقے میں دو اور دھماکے ہوئے۔
افغان پریس کی شیعہ برانچ کے سربراہ نے بتایا کہ درجنوں لاشوں اور زخمیوں کو ہسپتال منتقل کیا جا چکا ہے۔
افغان وزارت داخلہ کے نائب کے ترجمان نصرت رحیمی نے خبر رساں ادارے فرانس پریس کو بتایا کہ ’حملے کا نشانہ طیبان کلچرل سینٹر تھا جہاں 38 برس قبل افغانستان پر سوویت یونین کے حملے کی مناسبت سے ایک تقریب جاری تھی کہ دھماکہ ہو گیا۔‘ بتایا گیا ہے کہ حملے کے وقت طلبہ اور میڈیا سے تعلق رکھنے والے افراد مباحثے میں شریک تھے _
