سینیٹ کے لیے ن لیگ کے نام

Reading Time: < 1 minute

پاکستان مسلم لیگ (ن) نے پنجاب سے سینٹ امیدواروں کے لئے ناموں کو حتمی شکل دے دی ہے ، سابق وزیر خزانہ اسحاق ڈار اور مصدق ملک سمیت کئی اہم رہنماﺅں کو سینٹ کے ٹکٹ جاری کردیے گئے، ذرائع کے مطابق ۔ مسلم لیگ(ن ) کی جانب سے آصف کرمانی اور مصدق ملک کو سینٹ انتخابات کے لئے ٹکٹ جاری کئے گئے ہیں جبکہ جنرل سیٹ اور ٹیکنو کریٹ نشست کے لئے سابق وزیر خزانہ اسحاق ڈار مسلم لیگ(ن) کے امیدوار ہوں گے۔ ن لیگ نے خواتین کی نشستوں پر نزہت عامر اور سعدیہ عباسی کو امیدوار نامزد کیا ہے جبکہ کامران مائیکل اقلیتی نشست پر سینٹ انتخابات میں حصہ لیں گے۔شکیل اعوان ، شاہین بٹ ، زبیر گل ، رانا مقبول اور ہارون اختر سینٹ انتخابات میں مسلم لیگ(ن) کی جانب سے حصہ لیں گے۔ حکمران جماعت مسلم لیگ (ن) نے نصیر بھٹہ ، عرفان ڈاہا ،شاہین بٹ اور زبیر گل کو بھی اپنا امیدوار نامزد کیا ہے۔