پاکستان کی جیت

سری لنکا کے خلاف دونوں ٹیسٹ میچوں میں شکست کے بعد پاکستان نے پانچ ایک روزہ میچوں کی سیریز کے پہلے میچ میں فتح حاصل کر لی ہے ۔

پہلےکھیلتے ہوئے دو سو بانوے رنز بنانے والی پاکستانی ٹیم نے سری لنکا کو پچاس اوورز میں دو سو نو رنز تک محدود رکھا جبکہ اس کے آٹھ کھلاڑی آؤٹ ہوئے ۔ حسن علی نے تین اور رومان رئیس نے دو کھلاڑیوں کو آؤٹ کیا ۔

تراسی رنز سے فتح پانے والی پاکستانی ٹیم کی جانب سے بابر اعظم نے سنچری اسکور کی جبکہ شعیب ملک نے اکیاسی رنز بنائے ۔