ائرہوسٹس طیارے سے گر گئی

Reading Time: < 1 minute

ایمریٹس ائر لائن کی ائرہوسٹس طیارے سے نیچے جاگری، تشویش ناک حالت میں ہسپتال منتقل کیا گیا یے ۔ متحدہ عرب امارات کی فضائی کمپنی میں یہ واقعہ یوگینڈا کے اینتیبے انٹرنیشنل ہوائی اڈے پر پیش آیا جہاں ایمریٹس کا  بوئنگ 777 طیارے کا ایمرجنسی دروازہ اچانک کھل گیا ۔

عالمی ذرائع ابلاغ کی رپورٹس کے مطابق ایئرہوسٹس کو زخمی حالت میں فوری طور پر مقامی اسپتال منتقل کردیا گیا جہاں اس کی حالت تشویشناک بتائی جارہی ہے۔ ایمریٹس ائر لائن نے اپنے بیان میں بتایا  کہ ایمریٹس کی پرواز ای کے 730 کی ایئرہوسٹس کے ساتھ افسوسناک حادثہ پیش آیا ہے ۔

حکام کے مطابق ایئرہوسٹس جب مسافروں کو ان کی نشستوں پر بٹھارہی تھی کہ اسی دوران طیارے کا ایمرجنسی دروازہ اچانک کھل گیا اور ایئرہوسٹس نیچے جا گری ۔ کمپنی حادثے سے متعلق تحقیقات میں سول ایوی ایشن حکام سے تعاون جاری رکھے ہوئے ہے ۔