جوتا پھینکنے والوں کی ضمانت
عدالت نے سابق وزیراعظم نواز شریف پر جوتا پھینکنے والے تینوں ملزمان کی ضمانت منظور کر لی ہے ۔
لاہور کی کینٹ کچہری کی عدالت کے جج نے تینوں ملزمان کی ایک ایک لاکھ مچلکوں کے عوض ضمانت منظور کی ۔ جوڈیشل مجسٹریٹ یوسف سردار نے ملزمان کی درخواست ضمانت پر سماعت کی ۔ ملزمان عبدالغفور، منور حسین اور محمد ساجد نے درخواست ضمانت دائر کی تھی۔
ملزموں کے وکیل نے عدالت سے ان کی ضمانت کی درخواست کی تھی جسے منظور کر لیا گیا۔ ملزمان کے خلاف چار مختلف دفعات کے تحت مقدمہ تھانہ قلعہ گجر سنگھ میں درج تھا۔
