میر شکیل کہاں ہیں؟سپریم کورٹ

Reading Time: < 1 minute

سپریم کورٹ میں جنگ گروپ کے مالک میر شکیل الرحمان کیخلاف توہین عدالت کی درخواست پر سماعت جسٹس گلزار احمد کی سربراہی میں تین رکنی بنچ نے کی ۔ میر شکیل الرحمان کی جانب سے وکیل عدالت میں پیش ہوئے اور کہا کہ مجھے کل ہی نوٹس موصول ہوا ہے،ہم نے ابھی جواب بھی جمع کروانا ہے، میر شکیل الرحمان کے وکیل نے کہا کہ میرا موکل عدالت کا احترام کرتا ہے، میر شکیل الرحمان ذاتی حیثیت میں پیش ہو کر وضاحت کرنا چاہتے ہیں  ۔

جسٹس سردار طارق مسعود نے استفسار کیاکہ میر شکیل الرحمان کہاں ہیں؟ وکیل نے بتایا کہ میر شکیل الرحمان ملک سے باہر ہیں،آئیندہ ہفتے عدالت میں پیش ہو سکیں گے  ۔ عدالت نے کیس کی سماعت 27 جون تک ملتوی کر دی ۔