شہباز شریف کی ضمانت منظور

Reading Time: < 1 minute

لاہور ہائیکورٹ نے شہباز شریف اور فواد حسن فواد کی ضمانت کی درخواستوں پر محفوظ فیصلہ سناتے ہوئے دونوں ملزمان کو آشیانہ ہاؤسنگ کے ریفرنس میں رہا کرنے کا حکم دیا ہے ۔

لاہور ہائیکورٹ کے جسٹس ملک شہزاد احمد کی سربراہی میں بنچ نے آشیانہ ہاؤسنگ اور رمضان شوگر ملز کیس میں ضمانت منظور کی ہے جبکہ فواد حسن فواد کی آمدن سے زائد اثاثوں کے مقدمے میں ضمانت مسترد کر دی ۔

لاہور ہائیکورٹ میں آشیانہ اور رمضان شوگر ملز کیس میں شہبازشریف کی درخواست ضمانت کی سماعت ہوئی، جسٹس ملک شہزاداحمدکی سربراہی میں 2 رکنی بنچ نے کیس کی سماعت کی۔

عدالت نے استفسار کیا کہ رمضان شوگرملزکے علاوہ اس علاقے میں کوئی اورسکیم بنائی گئی؟وکیل صفائی نے بتایاکہ فتح آباد،مقصود آبادودیگرعلاقوں میں ایسی ہی سکیمیں بنائی گئیں۔جسٹس مرزاوقاص رو¿ف نے استفسار کیا کہ فزیبلٹی کی دستاویزات لائے ہیں؟کب بنائی گئی فزیبلٹی رپورٹ؟جسٹس مرزاوقاص رو¿ف نے استفسار کیاکہ سالانہ ترقیاتی پروگرام کی دستاویزات کےساتھ بتائیں،وکیل شہبازشریف نے کہا کہ مڈٹرم ڈویلپمنٹ فریم ورک کے تحت نالے کی تعمیرکی گئی،نقشے کے تحت جامع آبادکے بعدوہاں آبادی نہیں تھی۔

وکیل شہبازشریف نے کہا کہ ساراریکارڈنیب کے پاس ہے کوشش ہے کچھ نہ کچھ پیش کیاجائے،عدالت نے کہا کہ آپ نے سکیم کی اسمبلی سے منظوری کاکہاتھاوہ دکھائیں کہاں ہے؟امجد پرویزایڈووکیٹ نے گوگل میپ عدالت میں پیش کیا ۔
عدالت نے فریقین کے وکلا کے دلائل مکمل ہونے پر شہبازشریف کی درخواست ضمانت پر محفوظ فیصلہ سناتے ہوئےآشیانہ اور رمضان شوگر ملز کیس میں شہبازشریف کی درخواست ضمانت منظور کرتے ہوئے انہیں رہا کرنے کا حکم جاری کر دیا ہے جبکہ فواد حسن فواد کی درخواست ضمانت کی آمدن سے زائد اثاښہ جات کیس میں مسترد کر د ی گئی ہے۔