شوکت صدیقی برطرفی پر درخواستیں مقرر

Reading Time: < 1 minute

پاکستان کی سپریم کورٹ نے ملک کی خفیہ ایجنسی آئی ایس آئی کے بارے میں بیان دینے پر برطرف کیے جج شوکت صدیقی کی اپیل کھلی عدالت میں سماعت کے لیے مقرر کی ہے۔

سپریم کورٹ کے جسٹس عمر عطا بندیال نے شوکت عزیز صدیقی کو ہٹانے کے سپریم جوڈیشل کونسل کے فیصلے کے خلاف دائر درخواستوں پر اعتراضات کے بعد کی گئی اپیلوں کی سماعت اپنے چیمبر میں کی۔

کراچی بار، اسلام آباد ھائی کورٹ باراور لاہو ہائیکورٹ بار پنڈی بنچ کی درخواستوں کی سماعت بھی کی گئی۔

درخواست گزاروں کی جانب سےسینیئر وکیل رشید اے رضوی اور محمد قاسم میر جت پیش ہوئے۔ سپریم کورٹ نے تین درخواستوں پر رجسٹرار کے اعتراضات ختم کر دیے ہیں۔

عدالت نے رجسٹرار آفس کو حکم دیا ہے کہ درخواستیں کھلی عدالت میں سماعت کے لیے مقرر کی جائیں۔