فوجی ترجمان نے توہین عدالت کی، پاکستان بار کونسل

Reading Time: < 1 minute

پاکستان میں وکیلوں کی سب سےبڑی تنظیم پاکستان بار کونسل نے فوج کے ترجمان کے خصوصی عدالت کے فیصلے پر تبصرے کو مسترد کرتے ہوئے اس کی مذمت کی ہے۔

تنظیم کے وائس چیئرمین امجد شاہ نے جاری کیے گئے بیان میں کہا ہے کہ ڈی جی آئی ایس پی آر نے عدالتی فیصلے کے خلاف پریس کانفرنس کی جو توہین عدالت کے زمرے میں آتی ہے۔

بیان کے مطابق ڈی جی کی پریس کانفرنس سے یہ ایسا تاثر ابھرا جیسے ملک کے تمام افارے فوج کے محکمے سے نیچے ہیں اور اس کی ڈکٹیشن ماننے کے پابند ہیں اور فوج کے سوا کسی بھی دوسرے ادارے کی کوئی عزت و توقیر نہیں ہے۔