’ویکسین پر پہلا حق امریکہ کا نہیں‘

Reading Time: < 1 minute

فرانس نے کہا ہے کہ کورونا کی ویکسین پر پہلا حق امریکہ کا ہو یہ بات قبول نہیں ہے۔

فرانس کے ڈپٹی وزیر خزانہ نے کہا ہے کہ ان کے لیے ناقابل قبول ہوگا کہ مالی مفاد کے لیے ادویہ ساز کمپنی ویکیسن پہلے کسی خاص ملک کو ترجیحی بنیادوں پر سپلائی کرے۔

قبل ازیں برطانوی ادویہ ساز کمپنی سنوفی نے اعلان کیا تھا کہ اگر کورونا کی ویکسین تیار کرنے کی اس کی کوششیں کامیاب ہوئیں تو وہ سب سے پہلے امریکہ کو بھیجیں گے کیونکہ انہوں نے سرمایہ کاری کا خطرہ مول لیا ہے۔

خیال رہے کہ دنیا میں وائرس سے تین لاکھ کے لگ بھگ افراد ہلاک ہو چکے ہیں جن میں سے 84 ہزار امریکی ہیں۔