پاکستان میں بزرگ شہریوں کو ویکسین 10 مارچ سے

پاکستان میں 60 سال سے زائد عمر کے افراد کو کورونا ویکسین لگوانے کی مہم کا آغاز 10 مارچ سے ہو رہا ہے۔

ملک میں کورونا کی صورتحال کو مانیٹر کرنے کے لیے قائم نیشنل کمانڈ اینڈ آپریشن سینٹر (این سی او سی) کے سربراہ وفاقی وزیر اسد عمر نے اعلان کیا ہے کہ 10 مارچ سے پاکستان میں 60 سال اور اس سے زائد عمر کے افراد کو کورونا ویکیسن لگوانے کی مہم کا آغاز ہوگا۔

اتوار کو وفاقی وزیر اسد عمر نے ٹویٹ کرتے ہوئے کہا کہ ’بدھ 10 مارچ سے 60 سال اور اس سے زائد عمر افراد  کے لیے ویکسینیشن کے عمل کا آغاز ہوگا۔‘