گیلانی و سنجرانی کا ففٹی ففٹی مقابلہ: اسٹیبلشمنٹ پھر جیتے گی؟
پاکستان میں پارلیمان کے ایوان بالا یعنی سینیٹ کی تاریخ کا چیئرمین اور ڈپٹی چیئرمین کے لیے سب سے سخت ترین مقابلہ آج ہو رہا ہے۔
مقابلے میں سابق وزیراعظم یوسف رضا گیلانی اور موجودہ چیئرمین سینیٹ صادق سنجرانی کی شکل میں دو بڑے امیدوار آمنے سامنے ہیں۔
ملک بھر میں یہ تاثر عام ہے کہ صادق سنجرانی اسٹیبلشمنٹ کے امیدوار ہیں۔ اور پیپلز پارٹی کے سینیٹر مصطفی نواز کھوکھر نے تصویر شیئر کر کے ٹویٹ کیا ہے کہ سینیٹ میں پولنگ بوتھ کے اوپر جاسوسی کیمرا لگایا گیا ہے۔
دوسری جانب حکومت اور اپوزیشن کے درمیان نمبر گیم کی کشمکش نے بھی ماحول کو مزید گرما دیا ہے۔
Myself and Dr Musadik found spy cameras right over the polling booth!!!! pic.twitter.com/aqRGFRYFbq
— Mustafa Nawaz Khokhar (@Mustafa_PPP) March 12, 2021
ایوان میں اپوزیشن کو معمولی عددی برتری حاصل ہے لیکن حکومت کی جانب سے دعوی کیا جا رہا ہے کہ ’وہ ہر قانونی حربہ استعمال کرتے ہوئے صادق سنجرانی کو کامیاب بنائے گی۔‘
