افغانستان میں غیرملکی کرنسی کے استعمال پر پابندی عائد

Reading Time: < 1 minute

افغانستان پر کنٹرول رکھنے والی طالبان انتظامیہ نے ملک بھر میں غیرملکی کرنسی کے استعمال پر پابندی عائد کر دی ہے۔

طالبان حکام نے کاروباری افراد اور شہریوں سے کہا ہے کہ وہ مقامی کرنسی میں خریدو فروخت اور لین دین کریں۔

خیال رہے کہ طالبان کے کابل پر کنٹرول حاصل کرنے کے بعد امریکہ نے افغانستان کے اربوں ڈالر کے اثاثے اور زرمبادلہ کے ذخائر منجمد کر دیے تھے۔

افغانستان میں کاروباری افراد خرید و فروخت اور لین دین کے لیے امریکی ڈالر پر زیادہ انحصار کرتے ہیں۔