ہیٹ ٹرک اور گولڈن بوٹ، دنیائے فٹ بال کا نیا سپر سٹار مباپے

قطر میں ہونے والے فیفا فٹبال ورلڈ کپ کے فائنل میں ارجنٹائن نے فرانس کو پینلٹی ککس پر شکست دے کر ورلڈ کپ جیت لیا ہے۔

فیفا ورلڈ کپ کا فائنل اعصاب شکن رہا جہاں دونوں ٹیموں کی درمیان کانٹے کا مقابلہ دیکھنے میں آیا۔

فائنل میں ایک طرف لیونل میسی کا جادو چلتا رہا تو دوسری جانب فرانسیسی سپرسٹار کیلن مباپے نے تاریخ رقم کردی۔

کیلن مباپے 56 سال بعد ورلڈ کپ فائنل میں ہیٹ ٹرک کرنے والے پہلے کھلاڑی بن گئے ہیں۔

مباپے نے فائنل میں پہلا گول 80 ویں منٹ میں پینلٹی پر کیا، دوسرا گول 81 ویں منٹ میں کیا جبکہ تیسرا گول 118 ویں منٹ میں دوبارہ پینلٹی پر کیا۔

23 سالہ فرانسیسی سپر سٹار نے اس ورلڈ کپ میں 8 گول کرکے گولڈن بُوٹ بھی جیت لیا ہے۔