عمران خان کی پانچ مقدمات میں حفاظتی ضمانت 27 مارچ تک منظور

Reading Time: < 1 minute

لاہور ہائی کورٹ نے تحریک انصاف کے چیئرمین اور سابق وزیراعظم عمران خان کی پانچ مقدمات میں حفاظتی ضمانت 27 مارچ تک منظور کر لی ہے۔

عدالت نے عمران خان کو ہدایت کی وہ 27 مارچ کو متعلقہ عدالت سے رجوع کریں۔

اس سے قبل عمران خان نے حفاظتی ضمانت کے لیے دائر درخواست کی سماعت کے دوران لاہور ہائیکورٹ کو بتایا کہ ’ان کی زندگی خطرے میں ہے اور جو ان کے ساتھ ہو رہا ہے وہ انتہائی غیر معمولی صورت حال ہے۔‘

جمعے کو لاہور ہائی کورٹ میں جسٹس طارق سلیم شیخ کی سربراہی میں دو رکنی بینچ نے پانچ مقدمات میں حفاظتی ضمانت کی درخواست پر سماعت کی جس میں عمران خان اپنے وکیل کے ہمراہ خود بھی پیش ہوئے۔

عمران خان نے عدالت کو بتایا کہ 18 مارچ کو اسلام آباد کی عدالت میں پیشی کے لیے جوڈیشل کمپلیکس پہنچے تو اس دوران پتھراؤ کیا گیا اور شیلنگ کی، ان کی زندگی خطرے میں تھی لیکن تمام کوششوں کے باوجود وہ متعلقہ عدالت نہیں پہنچ سکے۔