نو مئی کے بعد 6 ماہ سے روپوش پی ٹی آئی کے امجد علی نیازی گرفتار

پاکستان تحریک انصاف کے میانوالی سے سابق رکن قومی اسمبلی نے امجد علی خان نیازی نے پولیس کو گرفتاری دے دی ہے۔

پولیس ذرائع کے مطابق امجد علی خان کو میانوالی پولیس نے گرفتار کر لیا ہے۔

بتایا گیا ہے کہ میانوالی پولیس سابق ممبر اسمبلی کو لے کر سرگودھا سے میانوالی پہنچی ہے۔

امجد علی خان پر 9 مئی کے واقعہ میں پاکستان ایئر فورس بیس پر حملے کی ایف آئی آر درج ہے۔

امجد علی خان گذشتہ چھ ماہ سے روپوش تھے۔

امجد علی خان عمران خان کے قریبی ساتھی سمجھے جاتے ہیں۔

پی ٹی آئی اور پولیس ذرائع نے تصدیق کی ہے کہ سابق رکن قومی اسمبلی امجد علی خان نے سرگودھا میں دہشتگردی کی عدالت میں پیش ہو کر گرفتاری دی۔

تاہم پنجاب پولیس نے باضابطہ اس کی تصدیق نہیں کی۔