الیکشن ٹریبونل، پرویز الٰہی کے کاغذاتِ نامزدگی مسترد کرنے کا فیصلہ برقرار

Reading Time: < 1 minute

لاہور ہائیکورٹ کے الیکشن ٹربیونل نے تحریک انصاف کے صدر اور پنجاب کے سابق وزیراعلی پرویز الٰہی کے کاغذات نامزدگی مسترد کرنے کا ریٹرننگ افسر کا فیصلہ برقرار رکھا ہے۔

پیر کو جسٹس چوہدری عبدالعزیز نے محفوظ کیا گیا فیصلہ سنا یا۔

ٹریبونل نے ریٹرننگ آفیسر کا پرویز الہیٰ کے کاغذات نامزدگی مسترد کرنے اور نااہلی کا فیصلہ برقرار رکھتے ہوئے ان کی دائرہ کردہ اپیلیں مسترد کردیں۔

پرویز الٰہی کی اہلیہ قیصرہ الہیٰ بھی این اے 59 اور پی پی 23 سے نااہل قرار پائی ہیں۔

دونوں پر اثاثہ جات چھپانے، اہلیہ کے غیر ملکی دورے ظاہر نہ کرنے کا اعتراض ثابت ہوا ہے۔

دونوں پر گوشواروں اور مختلف کمپنیز میں شئیرز ظاہر نہ کرنے کا اعتراض بھی درست قرار پایا۔

الیکشن ٹریبونل نے کے مطابق دونوں حلقوں کے لیے الگ الگ اخراجات کے بینک اکاؤنٹس بھی نہ کھولنے کا اعتراض درست قرار پایا ہے۔

دستاویزات میں تکنیکی غلطیوں، اوتھ کمشنر سے باقاعدہ تصدیق بھی نہ کرانے کا اعتراض درست قرار پایا ہے۔