ویسٹ انڈیز کو شکست، ملتان ٹیسٹ سپنرز نے پاکستان کی جھولی میں ڈال دیا

پاکستان کے دورے پر آئی ویسٹ انڈیز کی کرکٹ ٹیم کو پہلے ٹیسٹ میچ میں شکست ہو گئی ہے۔

اتوار کو ملتان کرکٹ سٹیڈیم میں پاکستانی سپنرز نے ویسٹ انڈیز کی دوسری اننگز 123 رنز پر ہی سمیٹ دی۔

پاکستان کو میچ کے تیسرے دن کے دوسرے سیشن میں ہی 127 رنز سے اُس وقت کامیابی حاصل ہو گئی جب ساجد خان نے پانچ اور ابرار احمد نے چار بلے بازوں کو پویلین بھیجا۔

پاکستان نے پہلی اننگز میں 230 اور دوسری اننگز میں 157 رنز سکور کیے تھے۔

ویسٹ انڈیز کی ٹیم پہلی اننگز میں 137 رنز بنا سکی تھی۔

پہلی اننگز میں بھی پاکستانی سپنرز کا جادو چلا تھا۔

ساجد خان نے میچ میں 9 وکٹیں حاصل کیں جبکہ نعمان علی نے چھ اور ابرار احمد نے پانچ کھلاڑیوں کو آؤٹ کیا۔