پاکستان اور انڈیا کے درمیان مکمل اور فوری جنگ بندی کرا دی: صدر ٹرمپ

Reading Time: < 1 minute

امریکہ کے صدر ڈونلڈ ٹرمپ نے کہا ہے کہ ان کے ملک کی ثالثی میں پاکستان اور انڈیا نے مکمل اور فوری سیز فائر پر اتفاق کر لیا ہے۔

انہوں نے سوشل میڈیا سائٹ پر لکھا کہ رات بھر طویل امریکی ثالثی مذاکرات کے بعد دونوں ملکوں نے سیزفائر پر رضامندی ظاہر کی ہے۔
’مجھے یہ اعلان کرتے ہوئے خوشی ہو رہی ہے کہ انڈیا اور پاکستان مکمل اور فوری جنگ بندی پر راضی ہو گئے ہیں۔‘

صدر ٹرمپ نے دونوں ملکوں کو ’کامن سینس اور بہترین دانشمندی‘ کا مظاہرہ کرنے پر مبارک باد بھی پیش کی۔
انہوں نے لکھا کہ ’اس معاملے پر توجہ دینے کے لیے شکریہ ادا کرتا ہوں۔‘
پاکستان کے وزیر خارجہ اسحاق ڈار نے کہا ہے کہ ’امریکہ اور سعودی عرب کے وزرائے خارجہ نے آج اس جنگ بندی کرانے میں کردار ادا کیا۔‘
انہوں نے کہا کہ ترک وزیر خارجہ اور برطانیہ نے بھی اس پاکستان کے وزیر خارجہ نے کہا کہ ’جنگ کسی مسئلے کا حل نہیں ہوتی، میں نے صبح بھی کہا تھا اگر انڈیا حملہ نہیں کرتا تو ہم جنگ بندی کے لیے تیار ہیں، امریکہ کے وزیر خارجہ روبیو سے، سعودی عرب کے وزیر خارجہ پرنس فیصل سے، ترکی کے وزیر خارجہ سے بات ہو رہی تھی۔ ابھی ساڑھے چار بجے انڈیا اور پاکستان اس بات پر متفق ہو گئے ہیں کہ فوری سیزفائر کیا جائے۔‘
سفارتکاری کے ذریعے دونوں ملکوں کو سیزفائر پر راضی کرایا۔ ’آج ساڑھے چار بجے سے جنگ بندی پر عمل شروع ہو گیا ہے۔‘
پاکستانی وزیر خارجہ نے کہا کہ ’ہم نے تمام ممالک کے کہنے پر صبر وتحمل سے کام لیا مگر اس کے باوجود انڈیا نے کشیدگی بڑھائی۔‘
اسحاق ڈار کا کہنا تھا کہ ’اگر انہوں نے اب بھی یہ بند نہیں کرنا تو ہم بھی تیار ہیں۔‘