ذوالحج کے چاند اور عید الاضحیٰ کی تاریخ کی سائنسی پیش گوئی

پاکستان کے خلائی تحقیق کے محکمے سپارکو نے کہا ہے کہ فلکیاتی ماڈلز کے مطابق ذوالحجہ کے نئےچاند کی پیدائش 27 مئی 2025 کو پاکستان معیاری وقت کے مطابق 08:02 بجے ہوگی۔

جمعرات کو ایک بیان میں سپارکو نے کہا کہ
27 مئی 2025 (29 ذیقعد) کے لیے پاکستان کے حوالے سے سائنسی تجزیے کے مطابق
غروبِ آفتاب کے وقت چاند کی عمر تقریباً 11 گھنٹے 34 منٹ ہوگی۔

سپارکو کے مطابق سائنسی لحاظ سے بہترین موسمی حالات میں بھی ملک بھر میں 27 مئی کو چاند کے نظر آنے کے امکانات تقریباً نہ ہونے کے برابر ہیں۔

سپارکو نے کہا ہے کہ اس تناظر میں یکم ذوالحجہ 29 مئی 2025 کو متوقع ہے جس کے حساب سے ملک بھر میں عیدالاضحٰی 07 جون 2025 کو منائی جائے گی۔

سپارکو نے یہ وضاحت بھی کی ہے کہ تاہم مرکزی رویت ہلال کمیٹی چشم دید گواہیوں اور موسمی حالات کے مطابق چاند کی رویت کا حتمی فیصلہ کرنے کی مجاز ہے۔