نعروں کی گونج میں نواز شریف کی جیل واپسی

سابق وزیراعظم نواز شریف کی طبی بنیادوں پر ضمانتی رہائی کا چھ ہفتے کا وقت ختم ہو گیا ہے جس کے بعد وہ جیل جا رہے ہیں ۔ 

نواز شریف اپنی رہائش گاہ جاتی امرا رائے ونڈ سے کوٹ لکھپت جیل کے لیے روانہ ہوئے تو ان کے ہمراہ گاڑی میں ان کی صاحبزادی مریم نواز بھی تھیں ۔ 

نواز شریف کی رہائش گاہ کے اطراف میں ہزاروں کی تعداد میں کارکن نعرے لگا رہے تھے ۔ 

رات نو بجے روانہ ہونے والا قافلہ بارہ بجے کوٹ لکھپت جیل پہنچا ۔ راستے میں کارکنوں نے مختلف جگہوں پر نواز شریف کی گاڑی کو روک کر پھولوں کی پتیاں نچھاور کیں ۔