کابل میں دھماکہ،دو روسی سفارت کاروں سمیت متعدد ہلاک

Reading Time: < 1 minute

افغانستان کے دارالحکومت کابل میں ایک مرتبہ پھر امن دشمنوں کا وار،روسی سفارت خانے کے قریب دھماکے میں دو روسی سفارت کاروں سمیت متعدد ہلاکتوں کی اطلاعات ہیں۔

روسی چینل نے مقامی میڈیا کے حوالے سے بتایا کہ کابل میں دھماکے سے 2 روسی سفارتکاروں سمیت متعدد افراد ہلاک ہوگئے۔ دھماکا روسی سفارت خانے کے قریب ہوا۔

اطلاعات کے مطابق خود کش بمبار نے روسی سفارت خانے کے گیٹ پر خود کو دھماکے سے اڑا لیا۔ دھماکے کےوقت سفارت خانے میں ویزے کے حصول کے لئے لوگوں کی بڑی تعداد موجود تھی۔

افغان میڈیا کے مطابق دھماکے میں جانی نقصان سے متعلق تفصیلات اکھٹی کی جا رہی ہیں۔ واقعے کی تحقیقات کا آغاز کر دیا ہے۔