پب جی گیم سے ۲ ہلاک

انڈیا کے صوبے مہاراشٹر میں موبائل ویڈیو گیم پب جی نے دو نوجوانوں کی جان لے لی ہے ۔

حکام نے بتایا ہے کہ مہاراشٹر کے ہنگولی ضلع میں ۲۴ سالہ یوگیش اور ۲۲ سالہ انا پورنے کی موت ٹرین کے کچلنے سے ہوئی ہے۔

مقامی افراد نے بتایا کہ دونوں نوجوان ریلوے ٹریک پر بیٹھے پب جی کھیل رہے تھے اور موبائل فون گیم میں اتنے محو ہوگئے کہ حیدرآباد – اجمیر ایکسپریس کی آواز نہ سن سکے، ٹرین دونوں کو کچل کر گزر گئی ۔

مقامی افراد نے مطالبہ کیا ہے کہ اس کھیل پر پابندی لگائی جائے ۔